तनहुँ : तनहुँ निर्वाचन क्षेत्र नं १ मा रास्वपाका उम्मेदवार स्वर्णिम वाग्लेको जित सुनिश्चित भएको छ । गन्न बाँकी मत भन्दा मतान्तर धेरै भएपछि वाग्लेको जित सुनिश्चित भएको हो । कुल खसेको ६५ हजार ९९ मतमध्ये ३६ वडामा रहेको ५३ हजार १२८ मत गणना हुदाँ स्वर्णिम १२ हजार ९ मतले अगाडि छन् । मुख्य निर्वाचन अधिकृतको कार्यालयका अनुसुार अब गन्न बाँकी मत ११ हजार ९७१ रहेको छ ।
पछिल्लो विवरण अनुसार स्वर्णिमले २७ हजार ९८८ प्राप्त गरेका छन् । उनका निकटम प्रतिष्पर्धी काँँग्रेसका गोबिन्द भट्टराईको पक्षमा १५ हजार ९७९ मत आएको छ । एमालेका सर्वेन्द्र खनालले ७ हजार ३७९ मत पाएका छन् ।
तनहुँ क्षेत्र नम्बर १ मा पाँच पालिकाका ४२ वडा पर्छन् । ४२ मध्ये ३६ वडाको मतगणना सकिएको छ । तनहुँ क्षेत्र नम्बर १ मा भानु नगरपालिका, व्यास नगरपालिका, बन्दीपुर गाउँपालिका, आँबुखैरेनी गाउँपालिका र देवघाट गाउँपालिका पर्छन् ।
प्रतिक्रिया दिनुहोस !
