काठमाडौं : राष्ट्रिय आविष्कार केन्द्रका संस्थापक महावीर पुन र सरकारबीच वार्ता सुरू भएको छ । पुन र सरकारका तर्फबाट कानुन न्याय तथा संसदीय मामिलामन्त्री समेत रहेका रक्षामन्त्री पूर्णबहादुर खड्काबीच सिंहदबास्थित रक्षा मन्त्रालयमा वार्ता सुरू भएको हो ।
वार्तामा रक्षामन्त्री खड्का र मुख्यसचिव शंकरदास बैरागी सहभागी छन् । यस्तै,पुनको तर्फबाट पुनसहित उनीनिकट अरू दुईजना रहेका छन् । अनुसन्धान,नवप्रवर्तन र आविष्कारलाई सरकारले ध्यान नदिएको भन्दै पुनले माइतीघरमा दिनरात धर्ना दिइरहेका छन् ।
अनुसन्धान,नवप्रवर्तन र आविष्कार गर्ने नेपालीका लागि प्रत्येक वर्ष संघीय र प्रदेश सरकारले कम्तिमा १ प्रतिशत रकम छुट्याउनुपर्ने पुनको माग छ ।
गत शुक्रबारदेखि पुन रातदिन धर्नामा बसेका हुन्। धर्नालाई समर्थन जनाउँदै विभिन्न राजनीतिक दल र समाजसेवीहरूले ऐक्यबद्धता जनाएका छन्।
प्रतिक्रिया दिनुहोस !
