टोपबहादुरका छोरा सन्दीपलाई तीन दिन हिरासतमा राखेर अनुसन्धान गर्न अनुमति
वैशाख २१, २०८० बिहीबार १४:५३:१२
काठमाडौं : नक्कली भुटानी शरणार्थी प्रकरणमा सन्दीप रायमाझीलाई तीन दिन हिरासतमा राखेर अनुसन्धान गर्न काठमाडौं जिल्ला अदालतले अनुमति दिएको छ । सन्दीपलाई तीन दिन हिरासतमा राखेर अनुसन्धान गर्न अनुमति पाएको जिल्ला प्रहरी परिसर काठमाडौंका एसपी सीताराम रिजालले जानकारी दिए ।
नेकपा एमालेका सचिव रायमाझीका छोरा सन्दीपलाई बिहीबार बिहान काठमाडौं ल्याएर प्रहरीले जिल्ला अदालतमा उपस्थित गराएको थियो ।
प्रहरीले रायमाझीलाई बुधबार बुटवलबाट पक्राउ गरेको थियो । सोही घटनामा संलग्न रहेको भन्दै सन्दीपका बुबा टोपबहादुरलाई पनि पक्राउ पुर्जी जारी गरिएको छ।
नक्कली भुटानी शरणार्थी ठगी प्रकरणमा रायमाझीसहित ८ जना पक्राउ परेका छन्।
प्रतिक्रिया दिनुहोस !
