बुधबार कराँचीमै भएको तेस्रो एकदिवसीयमा पाकिस्तानले २६ रनको जित निकालेको थियो। त्यसअघि रावलपिन्डीमा भएको दोस्रो र पहिलो एकदिवसीय अन्तर्राष्ट्रियमा पाकिस्तान क्रमशः सात विकेट र पाँच विकेटले विजयी भएको थियो।
कराँची : पाकिस्तान भ्रमणमा रहेको न्युजिल्यान्डले आज घरेलु टिमविरुद्ध चौथो एकदिवसीय अन्तर्राष्ट्रिय खेल्दै छ। कराँचीमा नेपाली समयअनुसार ४: १५ बजे हुने खेलमा भ्रमणकारी टिम पहिलो जितको खोजीमा हुनेछ।
सुरुआती तीन खेलमा जित निकाल्दै घरेलु टिमले दुई खेल अगावै शृंखला आफ्नो पक्षमा पारिसकेको छ।
बुधबार कराँचीमै भएको तेस्रो एकदिवसीयमा पाकिस्तानले २६ रनको जित निकालेको थियो। त्यसअघि रावलपिन्डीमा भएको दोस्रो र पहिलो एकदिवसीय अन्तर्राष्ट्रियमा पाकिस्तान क्रमशः सात विकेट र पाँच विकेटले विजयी भएको थियो।
एकदिवसीय शृंखलाअघि भएको ट्वान्टी २० अन्तर्राष्ट्रिय शृंखला २–२ को बराबरीमा सकिएको थियो। अन्तिम ट्वान्टी २० असिनापानीका कारण हुन नसकेपछि ट्वान्टी २० बराबरीमा टुङ्गिएको थियो।
न्युजिल्यान्ड आजको खेलपछि आइतबार पाँचौं तथा अन्तिम एकदिवसीय खेलेर स्वदेश फर्किने छ।
प्रतिक्रिया दिनुहोस !
