महोत्तरी : महोत्तरी प्रहरीले बर्दिवासबाट स्कारपियोबाट २ सय ७ केजी गाँजा बरामद गरेको छ।
बर्दिवास नगरपालिका-४ स्थित पूर्व पश्चिम लोकमार्गमा प्रहरी टोलीले सवारी चेकजाँच गर्ने क्रममा सो परिमाणको गाँजा फेला परेको प्रहरी स्रोतले जनाएको छ।
जिल्ला प्रहरी कार्यालय महोत्तरीले दिएको जानकारी अनुसार प्र २–०२–००१ च ०४५७ नम्बरको स्कारपियो गाडी चेकजाँच गर्दा पाँचवटा सेतो प्लाष्टिकको बोराभित्र रातो प्लाष्टिकको स-सानो पोकाबाट २ सय ७ केजी अवैध गाँजा बरामद गरिएको हो।
प्रहरीलाई देख्ने बितिक्कै चालक गाडी छाडेर भागेका थिए। यसबारे इलाका प्रहरी कार्यालय बर्दिवासले आवश्यक अनुसन्धान गरिरहेको महोत्तरीका प्रहरी प्रवक्ता डीएसपी दिलीपकुमार गिरीले बताए।
प्रतिक्रिया दिनुहोस !
