महोत्तरी : महोत्तरी प्रहरीले ४ वटा भारतीय मोटरसाइकलमा लोड गरिएको ११ कार्टुन मदिरासहित दुई तस्करलाई पक्राउ गरिएको छ। मनरा सिस्वा नगरपालिका- १० बाट वीआर ०६ वीके ५४३३, वीआर ३० भी ८०९५, वीआर ०६ एडब्ल्यु ८९१७ र वीआर ३० आर ०४३४ नम्बरको मोटरसाइकलमा लोड गरिएको ११ कार्टुन सोफी नामक मदिराजन्य पदार्थ प्रहरीले नियन्त्रणमा लिएको हो।
प्रहरी गस्ती टोलीलाई देख्नासाथ मोटरसाइकल चालकहरु फरार भएका छन्। त्यस्तै घटनास्थलबाट पक्राउ परेका दुई जनाको सम्बन्धमा प्रहरीले विस्तृत विवरण खुलाएको छैन।
बरामद भएको मोटरसाइकलको बजार मूल्य ३ लाख २९ हजार ९ सय रुपैयाँ रहेको महोत्तरीका प्रहरी प्रवक्ता डीएसपी दिलीपकुमार गिरीले जानकारी दिए।
प्रतिक्रिया दिनुहोस !
