सिन्धुपाल्चोक : सिन्धुपाल्चोकमा बस दुर्घटना हुँदा ३० जना घाइते भएका छन्। सिन्धु हेलम्बु यातायातको बा २ ख ८४२२ नम्बरको गाडी दुर्घटना भएको हो।
बलेफी गाउँपालिका-१ जलबिरेको खमारेबाट जन्ती लिएर इन्द्रावती गाउँपालिका-१० पाटीगाउँ हिँडेको बस चौतारा साँगाचोकगढी नगरपालिका-७ झ्याडीमा साँझ दुर्घटना भएको हो।
घटनामा करिब ३० जना घाइते भएको प्रहरीले जनाएको छ। घटनास्थलमा प्रहरी र एम्बुलेन्स पुगेर उद्धार गरिरहेको जिल्ला प्रहरी कार्यालय सिन्धुपाल्चोकका प्रहरी प्रमुख बालनरसिं राणाले जानकारी दिए।
घाइतेहरूलाई जिल्ला अस्पताल चौतारा ल्याइँदै छ। प्रहरीले ब्रेक फेल भई दुर्घटना भएको प्रारम्भिक अनुमान गरेको छ। सो बारे थप अनुसन्धान भइरहेको प्रहरी प्रमुख जानकारी दिए।
प्रतिक्रिया दिनुहोस !
