बर्दियामा आगलागीबाट आठ घर जले
![बर्दियामा आगलागीबाट आठ घर जले](https://annapurnapost.prixacdn.net/media/albums/Untitled-1_Y8G1Rfqsiu_UbmATLYWPH.jpg)
गुलरिया : बर्दियाको मधुवन नगरपालिका-१ स्थित कैलाशी डाँडागाउँमा आगलागी भएको छ। बिहीबार अपराह्न कुन्ती मगरको घरबाट बिजुली शर्ट भई आगलागी हुँदा ८ वटा घर २ गोठ जलेर नष्ट भएका छन्।
घटनास्थलमा सुरक्षाकर्मी र स्थानीयले दमकलको सहायता लिई आगो नियन्त्रण गरेको जिल्ला प्रहरी कार्यालय बर्दियाका प्रहरी नायव उपरीक्षक हिक्मत बहादुर बोहराले जानकारी दिए।
क्षतिको विस्तृत विवरण आएको छैन। मानवीय एवं पशुचौपाया भने क्षति नभएको डीएसपी बोहराको भनाइ छ। आगोले कुन्ती मगर, धर्म रोकाया, दिलबहादुर सुनार, डम्मर सुनार, गोविन्द विक लगायतको घर जलेको छ।
आगलागीबाट घर एवं घरभित्र राखिएको सम्पूर्ण सामग्री जलेर नष्ट भएको छ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)