देउवालाई नेविसंघको प्रश्‍न : बालकृष्ण खाँणलाई किन निलम्बन नगरेको ?

काठमाडौं : नक्कली भुटानी शरणार्थी प्रकरणमा संलग्नलाई उन्मुक्ति दिन नहुने भन्दै नेविसंघले काठमाडौंमा प्रदर्शन गरेको छ । काठमाडौंको त्रिचन्द्र क्याम्पसमा नेविसंघको एक समूहले शरणार्थी प्रकरण देशद्रोही काम भएकाले यसमा संलग्नहरूलाई उन्मुक्ति दिन नहुने भन्दै घण्टाघर क्षेत्रमा प्रदर्शनमा गरेका हुन् । 

प्रदर्शनमा सहभागीहरूले भ्रष्टाचारी होसियार, देश बेच्न पाइदैन, टोपबहादुर रायमाझी कता हरायो, सभापतिज्यू बालकृष्ण खाँणलाई कारवाही किन नगरेको लगायका नाराबाजी गरेका थिए ।

उनीहरुले आफ्ना नेताहरु प्रकरणमा संलग्न भएपनि दोषी भए कडा कानुनी कारवाही गर्नुपर्ने जनाएका छन् । 

त्यस्तै विद्यार्थीहरूले शरणार्थी प्रकरणमा कुनै दबाबबिना अघि बढ्न सरकारलाई सुझाव दिएका छन् ।