रुसद्वारा युक्रेनमा फेरि मिसाइल प्रहार
आक्रमणमा तीन जना घाइते भएको समाचार छ । एयर डिफेन्स सिस्टमले क्षेप्यास्त्र खसालेको भिडियो सामाजिक सञ्जालमा भाइरल भइरहेको छ ।
किभ : युक्रेनको राजधानी किभमा रुसले फेरि धेरै मिसाइल हमला गरेको छ। यो महिनामा भएको यो लगातार आठौं आक्रमण हो।
आक्रमणमा तीन जना घाइते भएको समाचार छ । एयर डिफेन्स सिस्टमले क्षेप्यास्त्र खसालेको भिडियो सामाजिक सञ्जालमा भाइरल भइरहेको छ ।
युक्रेनी सरकारले क्षेप्यास्त्र आक्रमणको क्रममा भग्नावशेष खस्ने डरले मानिसहरूलाई झ्यालबाट टाढा रहन भनेको छ। किभका मेयर भिटाली किलित्स्कोले रकेटका केही भग्नावशेष केही जिल्लाहरूमा खसेको बताएका छन्।
एक चिडियाखानामा पनि भग्नावशेष खसेको छ । रुसले गरिरहेको आक्रमणमा ड्रोन र मिसाइल दुवैको प्रयोग भइरहेको छ । किभका अधिकारीहरूले यी आक्रमणहरू निकै भयानक भएको बताएका छन्।
किभको सैन्य प्रशासनका प्रमुख सेरी पोप्कोले छोटो अवधिमा धेरै मिसाइलहरू एकैसाथ प्रयोग भइरहेको बताए।
उनले किभमा धेरैजसो रुसी आक्रमण असफल भएको बताए । बीबीसी