महोत्तरी : प्रहरीले गौशाला नगरपालिकाको बाँक खोलाबाट ८२ किलो अवैध गाँजासहित दुईजनालाई पक्राउ गरेको छ। मंगलबार राति प्रहरीले गौशाला नगरपालिका १२ बाँके खोलाबाट कान्तिबजारतर्फ आइरहेको ना. ७ त २२०० नम्बरको ट्रयाक्टरबाट सो परिमाणको गाँजा बरामद गरेको हो।
प्रहरीले ट्रयाक्टरका चालक सर्लाही ईश्वरपुर नगरपालिका १२ का २६ वर्षीय गणेश सार्की र ट्रयाक्टरमा सवार सोहि ठाँउका २७ वर्षीय पाण्डव थापालाई नियन्त्रणमा लिएको इलाका प्रहरी कार्यालय गौशालाले जनाएको छ ।
बरामद गरेको गाँजा र चालकलाई थप अनुसन्धानका लागि जिल्ला प्रहरी कार्यालय महोत्तरीमा पठाइसकेको प्रहरी कार्यालय गौशालाले जनाएको छ ।
प्रतिक्रिया दिनुहोस !
