सन्धिखर्क : जिल्लाको सन्धिखर्क नगरपालिका-८ किमडाडामा बिजुलीको पोलबाट खसेर एक जनाको मृत्यु भएको छ। एक जना घाइते भएका छन्।
किमडाँडामा बिजुलीको पोलमा तार तान्दै गरेको अवस्थामा ट्रकले एक्कासि तार तान्दा पोलबाट खसेर सोही ठाउँका ३६ वर्षीय कृष्णबहादुर रानाको मृत्यु भएको हो। उनको उपचारका क्रममा जिल्ला अस्पताल सन्धिखर्कमा मृत्यु भएको प्रहरीले जनाएको छ।
अर्का किरन राना घाइते भएका छन्। उनको जिल्ला अस्पताल सन्धिखर्कमा उपचार भइरहेको जिल्ला प्रहरी कार्यालय अर्घाखाँचीका प्रमुख डीएसपी मुकुन्द रिजालले बताए।
प्रतिक्रिया दिनुहोस !
