बझाङ : बझाङमा हिमपहिरोमा परेर दुईजना घाइते छन् भने तीनजना बेपत्ता भएका छन् । आइतबार बिहान सुर्मा गाउँपालिका -२ को धानशेरा भन्ने ठाउँमा हिमपहिरोमा परी दुईजना घाइते र तीनजना बेपत्ता भएको खबर प्राप्त भएको बझाङ प्रहरीले जनाएको छ।
जिल्ला प्रहरी कार्यालयका प्रमुख प्रहरी नायब उपरीक्षक (डीएसपी) जागेश्वर भण्डारीले हिमपहिरोमा पुरिएर तीनजना बेपत्ता र दुईजना घाइते भएको खबर प्राप्त भएपछि घटनास्थलतर्फ प्रहरी टोली गएको जानकारी दिए । तर, घटनास्थल निकै टाढा भएकाले टोली पुग्न समय लाग्नेछ।
उनकाअनुसार जिल्ला प्रहरी कार्यालयका प्रहरी निरीक्षक जनक ढुंगानाको नेतृत्वमा प्रहरी टोली परिचालन भएको छ।
हिमपहिरोमा परेर घाइते भएका र बेपत्ता हुनेको परिचय भने खुलेको छैन। उनीहरु यार्सागुम्बा संकलन गर्न त्यहाँ पुगेको बुझिएको प्रहरीले जनाएको छ।
प्रतिक्रिया दिनुहोस !
