प्रहरीले सरकारी वकिललाई बुझायो नक्कली भुटानी शरणार्थी प्रकरणको प्रतिवेदन
जेठ ८, २०८० सोमबार १३:४५:५०
काठमाडौं : नक्कली भुटानी शरणार्थी प्रकरण प्रतिवेदनको फाइल प्रहरीले सरकारी वकील कार्यालयलाई बुझाएको छ । जिल्ला प्रहरी परिसर काठमाडौंले सरकारी वकील कार्यालयलाई प्रतिवेदन बुझाएको हो ।
चैत १२ देखि सुरू गरेको अनुसन्धान ६० दिन पुग्नै लाग्दा प्रहरीले सरकारी वकिल कार्यालयमा प्रतिवेदन दिएको हो । अहिलेसम्म प्रहरीले पूर्व गृहमन्त्री बालकृष्ण खाँण, पूर्व उपप्रधानमन्त्री टोपबहादुर रायमाझीसहित १६ जनालाई पक्राउ गरिसकेको छ । यो घटनामा कम्तिमा ३२ जना संलग्न रहेको निष्कर्ष प्रहरीको छ ।
सरकारी वकिल कार्यालयका अनुसार पक्राउ परेकाहरुलाई ठगी र संगठित अपराध, अख्तियार दुरुपयोग अनुसन्धान आयोग र सम्पत्ति शुद्धीकरण अनुसन्धान विभागबाट पनि मुद्दा चलाउन सिफारिस गरिएको छ ।
प्रतिक्रिया दिनुहोस !
