बुटवल : प्युठानको स्वर्गद्वारी नगरपालिका-२ धनवाङको प्रगतिशील सामुदायिक वनमा लागेको आगो गाउँ पस्दा ११ घर र आठ वटा गोठ जलेर नष्ट भएका छन्।
शनिबार राति लागेको आगो आइतबार धनवाङको गाउँमा पसेको नगरपालिकाका उपमेयर मिनराज रानामगरले जानकारी दिए। आगलागीमा परी स्थानीय दुई जना घाइते भएका छन्। स्थानीय ७६ वर्षीय वीर बहादुर कामी र पिमा परियार घाइते भएका छन्।
वीर बहादुरको पाल्पा र पिमाको स्थानीय स्वास्थ्यचौकीमा उपचार भइरहेको रानामगरले बताए।
स्थानीय शेर बहादुर सुनार, सवरी सुनार, पिमा परियार, विष्णी परियार, हस्त बहादुर रोका, मिना घर्ती, ओम बहादुर घर्ती, गमती घर्ती, दिपक पुन, कमन रोका र सुशीला विकको घर जलेको छ। आगलागी पीडितहरूलाई बारीमा त्रिपाल टाँगेर राखिएको उपमेयर रानाले जानकारी दिए।
प्रतिक्रिया दिनुहोस !
