वीरगन्ज : राष्ट्रपतिले नागरिकता विधेयक प्रमाणीकरण गरेको खुसियालीमा जनता समाजवादी पार्टी (जसवा) नेपालका युवा(विद्यार्थी नेताहरुले वीरगन्जमा दीप प्रज्वलन गरेका छन्।
जसपा निकट समाजवादी विद्यार्थी युनियन र समाजवादी युवा संघका नेता कार्यकर्ताहरुले वीरगन्जको घण्टाघर चोकमा बुधबार बेलुकी नागरिकता विधेयक प्रमाणीकरण भएकोमा दीप प्रज्वलन गरी खुसियाली मनाएका हुन्।
नागरिकता प्रमाणीकरण गर्ने राष्ट्रपति रामचन्द्र पौडेलको कदमको स्वागत गर्दै दीप प्रज्वलन गरी खुसियाली मनाइएको समाजवादी विद्यार्थी युनियनका केन्द्रीय सचिव निखिल वर्णवालले बताए।
वर्णवालकै अध्यक्षता एंव जिल्ला समन्वय समिति पर्साका प्रमुख अजय सर्राफको प्रमुख आतिथ्यतामा भएको दीप प्रज्वलन कार्यक्रममा समाजवादी युवा संघका सचिव सरोज यादवका साथै नागरिकताविहीन संघर्ष समितिका पदाधिकारी र सदस्यको पनि सहभागिता थियो।
प्रतिक्रिया दिनुहोस !
