वीरगन्ज : पर्साको पटेर्वासुगौली गाँउपालिका वडा नम्बर १ गदियानी गाँउस्थित खेतबाट बुधबार प्रहरीले ठूलो परिमाणमा लागुऔषध गाँजा बरामद गरेको छ।
विशेष सुराकीको आधारमा इलाका प्रहरी कार्यालय पटेर्वासुगौलीबाट प्रहरी निरीक्षक रामराजा केशरीको नेतृत्वमा खटिएको प्रहरी टोलीले २१ किलो ९६० ग्राम गाँजा बरामद गरेको हो।
उनका अनुसार जंगलको बाटो हुँदै गाँजा बोकेर पैदल आइरहेका तीन जना व्याक्तिहरू प्रहरीको टोली देख्नेवित्तिकै गाँजासहितको बोरा र झोला खेतमा फ्याकेर फरार भएका थिए। खेतमा फ्याँकिएको बोरा र झोला प्रहरीले खोलेर हेर्दा गाँजाको धुलो ९ किलो ४२० ग्राम र तयारी गाँजा १२ किलो ५४० ग्राम बरामद भएको प्रहरी निरीक्षक केशरीले बताए।
गाँजा फ्याँकेर फरार भएका व्याक्तिहरुको परिचय खुल्न नसकेको भएपनि उनिहरुको खोजी कार्य भइरहेको उनले जानकारी दिए।
प्रतिक्रिया दिनुहोस !
७
