वीरगन्ज : वीरगन्ज महानगरपालिकाले महानगरभित्र रहेका विभिन्न वडाको चार हजार घरधुरीमा धारा जडान गर्ने भएको छ।
वर्षा नभएको र बढ्दो गर्मीका कारण जमिनमुनि सतहमा पानी सुक्दा चाँपकलहरूमा पानी आउन छोडेपछि महानगरले पानीको अभावलाई मध्यनजर गर्दै नेपाल खानेपानी संस्थानको धारा नि:शुल्क जडान गर्न लागेको हो ।
विद्युतीय मोटरले समेत पानी नतान्दा जीवन निकै प्रभावित बनेको छ। सोही समस्यालाई समाधान गर्न वीरगन्ज महानगरले नि:शुल्क धारा जडान गर्न लागेको हो।
महानगरपालिकाका मेयर राजेशमान सिंहले निःशुल्क धारा जडानका लागि वडा अध्यक्षहरूसँग सम्पर्क गर्न महानगरवासीलाई अनुरोध गरेका छन्।
प्रतिक्रिया दिनुहोस !
८
