महोत्तरी : मटिहानी नगरपालिकाले नगरभरिका ज्येष्ठ नागरिकलाई झुल र पंखा वितरण गरेको छ।
बढ्दै गएको गर्मीको कारण जनजीवन अस्तव्यस्त बन्दै गएपछि आइतबार नगरपालिकाले ८२ वर्ष उमेर पुगेका १४० जना ज्येष्ठ नागरिकलाई जनही १ थानका दरले झुल र पंखा वितरण गरिएको हो।
पछिल्लो समयमा आएर बढ्दो गर्मी र लामखुट्टेबाट उनीहरूको जनजीवन प्रत्यक्ष रूपमा प्रभावित भएपछि जनही १ थानका दरले पंखा र झुल वितरण गरिएको नगर प्रमुख हरिप्रसाद मण्डलले बताए।
यसपटक बजेट अभावको कारण ८२ वर्षभन्दा माथि उमेर समूहलाई सो सामग्री वितरण गरिएको र आगामी वर्षमा नगरभरिका हरेक जेष्ठ नागरिक पंखा र झुल वितरण गरिने लक्ष्य रहेको नगरप्रमुख मण्डलले बताए।
प्रतिक्रिया दिनुहोस !
