नुवाकोट : फुटबल खेलको विकास र विस्तार गर्ने उद्धेश्यले नुवाकोटको पूर्वी भेगमा रहेको तादी गाउँपालिकामा अध्यक्ष कप फुटबल प्रतियोगिता सम्पन्न भएको छ । पालिकाका वडास्तरबाट खेलाडीहरुले प्रतिस्पर्धा जनाएको सो प्रतियोगिताको उपाधी तादी २ ले जितेको छ ।
तादी-३ द्वारा स्थानीय अमरज्योति माविको खेल मैदानमा आयोजित प्रतियोगिता दुई दिन सञ्चालन भएको थियो । प्रतियोगिताको फाइनल खेलमा तादी २ ले तादी ३ लाई एकका विरद्ध तीन गोल गरी उपाधी हात पारेको हो ।
विजेता तादी २ ले नगद ५० र उपविजेता तादी ३ ले नगद २५ हजार रुपैयाँ हात पारेको छ । पुरस्कार वितरण गर्दै तादी गापाका अध्यक्ष सन्तमान तामाङले खेल क्षेत्रको विकासका लागि पालिकाले सदैव कार्यक्रम अगाडि बढाउने योजना रहेको बताए । पुरस्कार वितरण गर्दै गापा उपाध्यक्ष सन्जु प्याकुरेलश्रेष्ठले मानवयि जीवनमा अनुशासन महत्वपुर्ण आयाम भएको र यसको विकास खेलको प्रवर्द्धन हुने बताइन् ।
उनले खेल र खेलाडीहरुको विस्तारका लागि तादी गापाले विविध कार्यक्रमहरु थप गर्ने योजना रहेको बताइन् । सो प्रतियोगितामा ६ समूह सहभागी थिए।
प्रतिक्रिया दिनुहोस !
