एमालेले सरकार छाडेपछि अर्थतन्त्र ओरालो लाग्यो, गठबन्धन भ्रम छर्न व्यस्त छ : ओली

काठमाडौं : नेकपा एमालेका अध्यक्ष केपी शर्मा ओलीले एमालेले सरकार छाडेपछि अर्थतन्त्र ओरालो लागेको दाबी गरेका छन् । शनिबार एमाले पार्टी कार्यालयमा आयोजित पार्टी प्रवेश गर्ने कार्यक्रमलाई सम्बोधन गर्दै उनले २ वर्ष अगाडि एमालेले सरकार छाड्नु परेपछि अर्थतन्त्र निरन्तर ओरालो लागेको बताएका हुन्। 

गठबन्धनले देश विकासको पक्षमा काम गर्न नसकेको टिप्पणी गरे। उनले भने,‘एमालेले सरकार छाडेपछि अर्थतन्त्र सुधार र देश विकासभन्दा पनि जनताबाट कसरी एमाले र एमालेका नेतृत्वलाई अलग्याउन सकिन्छ भनेर षडयन्त्र र विरोधमा लागेका छन्। एमालेविरुद्धमा लागेर प्रतिफल कहाँ आउँछ ? अर्थतन्त्र निरन्तर ओरालो लागेको छ। गठबन्धनले जनतालाई अल्मल्याएका छन्, भ्रम पारेका छन्।’

ओलीले जनता र कार्यकर्तालाई भ्रमबाट मुक्त पार्ने एमाले लाग्नुपर्ने धारणा राखे। उनले गलत बाटो र नीतिले सहि परिणाम नल्याउने बताए।