काठमाडौं : अमेरिका बस्दै आएका टंकराज बस्नेतको प्रलोभनमा पर्दा निर्मला महर्जन र अल्पा ढकाल प्रहरी नियन्त्रणमा परेका छन्।
अमेरिका बस्दै आएका बस्नेतले फेसबुक र म्यासेन्जरमा छुट्टाछुट्टै २ वटा प्रोफाइल खोली पीडितसँग चिनजान गर्ने गर्थे। उनले अमेरिकाको ग्लेनउड स्प्रिङ नामको नेपाली रेष्टुरेन्टमा काम गर्ने गरेको र प्रोफिट स्टक अप्सन टीएफएक्स नामक अन्तर्राष्ट्रिय कम्पनीमार्फत भिसा मिलाउने भन्दै प्रलोभनमा दिने गर्थे।
भारतीय होटल तथा रेस्टुरेन्टमा मासिक २ हजारदेखि ३ हजार डलरसम्मको जागिर लगाई दिन्छु प्रलोभनमा पारेर नेपाली नागरिकलाई झुक्काउने गर्थे। अमेरिका पठाइदिन्छु भन्दै रकम ठगी गरेको अभियोगमा २ जनालाई काठमाडौंबाट बिहीबार प्रहरीले पक्राउ गरेको छ। पक्राउ पर्नेहरूमा काठमाडौं महानगरपालिका–१५ बौद्ध बस्ने ४५ वर्षीया निर्मला महर्जन र बारा जितपुर सिमरा उपमहानगरपालिका–१ बस्ने २६ वर्षीया अल्पा ढकाल छन्।
सजिलै अमेरिका जान पाइन्छ भन्दै नेपालमा रहेका निर्मला महर्जन, अल्पा ढकालको प्रयोग गरी पीडितसँग पैसा उठाउने गर्थे। ३६ जना पीडितको १ करोड ६१ लाख २० हजार ५ सय रुपैयाँ रकम ठगी गरेको भन्ने जाहेरीको आधारमा अल्पा ढकाल र निर्मला महर्जनलाई प्रहरीले पक्राउ गरेको हो।
प्रतिक्रिया दिनुहोस !
