हेटौंडा : त्रिभुवन राजपथ अन्तरगतको हेटौंडा उपमहानगरपालिका वडा नम्वर–२ चौकिटोलस्थित खण्डमा गएराति भएको सवारी दुर्घटनामा एक जनाको मृत्यु भएको छ ।
मृत्यु हुनेमा हेटौंडा–१, जरुवाटोल निवासी वर्ष २५ का अमित कपाडी रहेका छन् । कपाडी दुर्घटनामा परेर गम्भीर घाइते भएका थिए । उनको हेटौंडा अस्पतालमा उपचारको क्रममा गएराति नै मृत्यु भएको जिल्ला प्रहरी कार्यालय मकवानपुरले जनाएको छ ।
भैंसेबाट हेटौंडातर्फ आउँदै गरेको बागमती प्रदेश ०३–००२ प ६४४ नम्वरको स्कुटरलाई विपरित दिशातर्फ जाँदै गरेको बागमती प्रदेश ०३–००१ ख ८५१ नम्वरको टिपरले ठक्कर दिँदा दुर्घटना भएको थियो ।
सोही दुर्घटनामा परेर स्कुटरका चालक सामान्य घाइते भएका छन् । उनी हेटौंडा अस्पतालमा उपचार पश्चात घर फर्किसकेका छन् ।
प्रहरीले ठक्कर दिने टिपर चालकलाई नियन्त्रणमा लिएको छ ।
प्रतिक्रिया दिनुहोस !
