सिड्नी: अर्को महिना अस्ट्रेलिया र न्युजिल्यान्डमा हुने फिफा महिला विश्वकपको आधिकारिक गीत सार्वजनिक भएको छ।
फिफाले ‘डू इट अगेन’ नामको गीत विश्वकप सुरु हुन २० दिन अगाडि सार्वजनिक गरेको हो।
जुलाई २० देखि सुरु हुने विश्वकपको उद्घाटन खेलमा न्युजिल्यान्ड र नर्वे अक्ल्यान्डमा आमनेसामने हुनेछन्। नर्वेले सन् १९५० मा विश्वकप जितेको थियो।
यो विश्वकप महिला खेलकुदको इतिहासकै सबैभन्दा ठूलो महोत्सव हुने आंकलन गरिएको छ। आगामी विश्वकपका लागि एक सय ५० भनन्दा धेरै देशमा १.५ मिलियन टिकट बिक्री भइसकेको फिफाले बताएको छ।
यो विश्वकपका खेल अस्ट्रेलिया र न्युजिल्यान्डका १० रंगशालामा हुनेछन्।
प्रतिक्रिया दिनुहोस !
