सिन्धुली : सिन्धुलीमा माइक्रो दुर्घटना हुँदा तीन जना घाइते भएका छन्।
धनुषाबाट काठमाडौंका लागि हिँडेको ना १ ज ८८८७ नम्बरको माइक्रोबस सिन्धुलीको गोलन्जोर गाउँपालिका-७ खोज चोकमा मंगलबार दिउँसो दुर्घटना भएको हो।
दुर्घटनामा गणेशनाथ चारनाथ नगरपालिका-५ धनुषाका ३८ वर्षीया सितादेवी साफी, सोही ठाउँका वर्ष ३५ वर्षीय हरिदेव साफी र २१ वर्षीय शिव कुमार साफी घाइते भएका छन्।
घाइतेमध्ये सितादेवीको अवस्था गम्भीर रहेको जिल्ला प्रहरी कार्यालय सिन्धुलीका प्रमुख राजकुमार सिलवालले जानकारी दिए।
घाइतेको खुर्कोटस्थित शुभजीवन अस्पतालमा उपचार भइरहेको छ। माइक्रोमा १२ जना सवार थिए। अन्यको अवस्था सामान्य रहेको छ। तीव्र गतिमा रहेको माइक्रोको ब्रेक फेलभई सडकको भित्तामा ठोक्किएर दुर्घटना भएको प्रहरीको प्रारम्भिक अनुमान छ।
प्रतिक्रिया दिनुहोस !
