जोमसोम : काठमाडौंस्थित भारतीय राजदूतावासले मुस्ताङको लोघेकर दामोदरकुण्ड गाउँपालिकालाई आइतबार एक/एक थान स्कुल बस र एम्बुलेन्स उपलब्ध गराएको छ।
राजदूतावासको कार्यालयमा मुस्ताङको लोघेकर दामोदरकुण्ड गाउँपालिकालाई बस र एम्बुलेन्स हस्तान्तरण गरिएको हो।
शिक्षा विज्ञान तथा प्रविधि मन्त्री अशोक राई र नेपालका लागि भारतीय राजदूत नवीन श्रीवास्तवले लोघेकर दामोदरकुण्ड गाउँपालिकाका अध्यक्ष लोप्साङ छोम्फेल बिष्ट(राजु)र गाउँपालिकाकी स्वास्थ्य संयोजक पासाङ ढोमा गुरुङलाई बस र एम्बुलेन्सको चावी हस्तान्तरण गरे।
लोघेकर दामोदरकुण्ड-२ घमी आधारभूत विद्यालयका लागि स्कुल बस र लोघेकर दामोदरकुण्ड-१ को चराङ स्वास्थ्य चौकीलाई एम्बुलेन्स उपलब्ध गराएको हो।
पालिकाले गरेको सिफारिसका आधारमा भारतीय दूतावासले बस र एम्बुलेन्स सहयोग गरेको अध्यक्ष बिष्टले जानकारी दिए।
प्रतिक्रिया दिनुहोस !
