बेंसीसहर : लमजुङमा महिलाको घाँटीबाट सुनको सिक्री लुट्ने एक युवक पक्राउ परेका छन्। पक्राउ पर्नेमा तनहुँको भानु नगरपालिका–७ घर भएका ३० वर्षीय श्याम चन्द्र खतिवडा रहेका छन्।
उनले साउन १ गते सोमबार राइनास नगरपालिका–६ स्थित जंगलमा सुन चोर्ने मनसायले ढुकेर बसी एक महिलाको घाँटीबाट सुनको सिक्री लुटेर भागेका थिए।
साँझ साढे ४ बजेको समयमा लक्ष्मी नेपालीको पिछा गरी उनको घाँटीबाट १ तोला २१ लालको सुनको सिक्री लुटेर भागेको प्रहरीले जनाएको छ। नेपाली पोखरादेखि राइनास माइती जान लागेकी थिइन्।
घट्ना लगत्तै पीडित महिला र स्थानीयहरुले स्थानीय प्रहरी चौकीमा खबर गरेपछि केहीबेरको खोजतलासमै घटनास्थलबाट नजिकैको जंगलबाट पक्राउ गरिएको जिल्ला प्रहरी कार्यालयका प्रमुख डीएसपी प्रकाश श्रीमलले बताए।
उनका अनुसार खतिवडालाई मंगलबार लमजुङ जिल्ला अदालतबाट ७ दिनको म्याद थप गरी अनुसन्धान अघि बढाइएको छ।
प्रतिक्रिया दिनुहोस !
