विराटनगर : प्रतिबन्धित औषधि र लागूऔषध गाँजासहित प्रहरीले मोरङको सुन्दरहरैँचाबाट बुधबार दिउँसो १ जनालाई पक्राउ गरेको छ।
सुन्दरहरैँचा नगरपालिका-१० का ५५ वर्षीय अवोधनारायण चौधरी पक्राउ परेका हुन्। घरबाटै लागूऔषध बिक्री गरिरहेको सूचनाका आधारमा प्रहरीले उनको घरमा दिउँसो ३ बजेतिर छापा हानेको थियो।
घरमा खानतलासी गर्दा अन्दाजी आधा किलो गाँजा र प्रतिबन्धित औषधि स्पास्पेन २ सय ७२ तथा ट्रामाडोल २ सय ७२ ट्याब्लेट फेला परेको मोरङ प्रहरीका प्रवक्ता डीएसपी रन्जनकुमार दाहालले जानकारी दिए। उनका अनुसार पक्राउ परेका चौधरीलाई इलाका प्रहरी कार्यालय बेलबारीमा राखेर थप अनुसन्धान अघि बढाइएको छ.
प्रतिक्रिया दिनुहोस !
