सोलुखुम्बु : सोलुखुम्बुको बादेमा पार्किङ गरिराखेको स्काभेटरमा आगलागी हुँदा ८० लाख रुपैयाँ बढीको क्षति भएको छ।
जिल्लाको थुलुङ दुधकोशी गाउँपालिका–४ पञ्चन बादेमा सडक ट्रयाक ओपन गरेर पार्किङ गरिराखेको स्काभेटरमा गएराति आगलागी हुँदा सो बराबरको क्षति भएको जिल्ला प्रहरी कार्यालय सोलुखुम्बुले जनाएको छ।
प्रहरी निरीक्षक रामकिशोर शाहका अनुसार बादेबाट दूधकोशी हाइड्रोपावर २ पञ्चनसम्मको सडक ट्रयाक ओपन गरी बादे पुल नजिकै पार्किङ गरेर राखेको नम्बर नखुलेको स्काभेटरमा बिहीबार राति अन्दाजी साढे ८ बजे आगलागी भएको हो।
जलेन कन्ट्रक्सन प्रालिले प्रयोग गर्दै आएको कोबेल कम्पनीको उक्त स्काभेटरको अधिकांश संरचनामा क्षति पुगेको छ। आगलागीको कारणबारे अनुसन्धान भइरहेको जिल्ला प्रहरी कार्यालय सोलुखुम्बुले जनाइएको छ।
प्रतिक्रिया दिनुहोस !
५
