गोरखा : गोरखाको भीमसेनथापा गाउँपालिकाले मंगलबार आफ्नो पालिकाभित्र सार्वजनिक बिदा गर्ने भएको छ । सोमबार सार्वजनिक सूचना जारी गर्दै राष्ट्रिय विभूति भीमसेन थापाको २४९ औँ जन्म जयन्तीको अवसरमा सार्वजनिक बिदा दिने जनाएको हो ।
गाउँ कार्यपालिकाको असार १४ को बैठकबाट निर्णय गरेएर पालिकाभर सार्वजनिक बिदा दिइएको प्रमुख प्रशासकीय अधिकृत चित्र अधिकारीले जानकारी दिए ।
सो अवसरमा पालिकाभित्रका सामुदायिक विद्यालय, स्वास्थ्य संस्था, सरकारी कार्यालय, संघसंस्थाका कार्यालयहरु बिदा रहने उनले बताए ।
साथै सोही अवसरमा मंगलबार वडा नम्बर ८ को चण्डीथानमा अवस्थित भीमसेन थापाको सालिकमा माल्यार्पण लगायतका कार्यक्रम पनि आयोजना गरिएको पालिकाले जनाएको छ ।
वि सं १७१८ मा जन्मिएका थापाको वि सं १७८२ मा निधन भएको थियो ।
प्रतिक्रिया दिनुहोस !
