सय किलो सुन प्रकरण : पोखरेल मन्त्रालय तानिए, पाण्डे त्रिअवि भन्सार प्रमुख
साउन ९, २०८० मंगलबार १६:३३:२०
काठमाडौं : त्रिभुवन अन्तर्राष्ट्रिय विमानस्थलस्थित भन्सार कार्यालयका प्रमुख फेरिएका छन्।
अर्थ मन्त्रालयले मंगलबार त्रिअवि भन्सार कार्यालयका प्रमुख अरुण पोखरेलाई जिम्मेवारीबाट हटाउँदै सहसचिव टोकराज पाण्डेलाई पठाएको छ।
केही दिनअघि विमानस्थलबाट भन्सार पास भएर सय किलो बढी सुन बाहिरिएपछि विमानस्थलस्थित प्रहरी र भन्सार कार्यालयका कर्मचारीहरू आलोचित भएका थिए। अर्थ मन्त्रालयका प्रवक्ता धनीराम शर्माले विमानस्थल भन्सार कार्यालयका प्रमुख फेरिएको बताए।
राजस्व अनुसन्धान विभागले त्रिअवि भन्सार कार्यालयका तीन कर्मचारीलाई नियन्त्रणमा लिएर अनुसन्धान गरिरहेको छ। सुन बाहिरिएको विषयलाई लिएर मन्त्रालयले पोखरेललाई फिर्ता बोलाएको हो। पाण्डे राष्ट्रिय किताबखानाका महानिर्देशक थिए।
प्रतिक्रिया दिनुहोस !
