हेटौंडा : आन्तरिक राजश्व कार्यालय मकवानपुरले आर्थिक वर्ष २०७९/०८० को अवधिमा ६ अर्ब ६० करोड ८८ लाख २२ हजार रुपैयाँ राजश्व संकलन गरेको छ ।
कार्यालयले अन्तरशुल्क तर्फ ३ अर्ब ६६ करोड २७ लाख ७९ हजार, मूल्य अभिवृद्धि करतर्फ १ अर्ब ९ करोड ५ लाख १९ हजार र आयकरतर्फ १ अर्ब १० करोड ६५ लाख ४७ हजार रुपैयाँ राजश्व असुली गरेको हो ।
त्यस्तै थप राजस्वतर्फ स्वास्थ्य सेवा करबापत् ६६ करोड ४० लाख ७५ हजार रुपैयाँ सकलन भएको छ । ब्याजकरतर्फ भने ६ करोड ३५ हजार रुपैयाँ संकलन भएको आन्तरिक राजश्व कार्यालयले जनाएको छ ।
घरबाहलतर्फको स्रोतमा २ करोड ५१ लाख ६१ हजार रुपैयाँ र शिक्षाकरतर्फ ७ हजार रुपैयाँ राजश्व संकलन भएको छ ।
आर्थिक वर्ष २०७८/०७९ मा भन्दा २०७९/०८० मा वार्षिक लक्ष्यभन्दा करिब ४० करोड १४ लाख ४७ हजार रुपैयाँ बढी राजश्व संकलन गरिएको आन्तरिक राजस्व कार्यालयका कर अधिकृत अवधेश कुमार यादवले जानकारी दिए ।
प्रतिक्रिया दिनुहोस !
