बेसीसहर : लमजुङमा करेन्ट लागेर एक वृद्धको मृत्यु भएको छ । मर्स्याङदी गाउँपालिका -६ दिङदिङका ७३ वर्षीय लक्ष्मण अधिकारीको करेन्ट लागेर घट्नास्थलमै मृत्यु भएको हो । शुक्रबार बिहान करिब ९ बजे घरमा खाना पकाउने क्रममा ग्यास लिक भइ आगोलागी हुँदा आगो निभाउने क्रममा अचानक बिजुलीको तारमा छुन पुग्दा करेन्ट लागेर वृद्ध अधिकारीको घट्नास्थलमै मृत्यु भएको प्रहरीले जनाएको छ ।
स्थानीय र बाहुनडाँडा प्रहरी चौकीबाट खटिएका प्रहरीको टोलीले केहि समयमै आगो नियन्त्रणमा ल्याउन सफल भएका थिए । आगो निभाउने क्रममा स्थानीय ४२ वर्षीय दिलप्रसाद अधिकारी घाइते भएका छन् । उनको हातमा पोलेको र स्थानीय मेडिकलमा उपचारपछि थप उपचारका लागि लमजुङ अस्पताल बेसीसहर ल्याइएको छ ।
आगोलागीबाट अन्य क्षति नभएको बाहुनडाँडा प्रहरी चौकी प्रमुख असई रमेश श्रेष्ठले जानकारी दिए ।
प्रतिक्रिया दिनुहोस !
