विराटनगर : मोरङको कटहरी गाउँपालिका–४ सुदा चोकस्थित सुखानी खोलामा डुबेर सोमबार बिहान एक बालकको मृत्यु भएको छ । अजय साहका छोरा १० वर्षीय प्रेमकुमार साहको खोलामा डुबेर मृत्यु भएको मोरङ प्रहरीका प्रवक्ता डीएसपी रन्जनकुमार दाहालले जानकारी दिए ।
उनका अनुसार प्रेमकुमार नुहाउन भनेर बिहान ६:१० बजेतिर खोलामा छिरेका थिए । स्थानीयको सहयोग लिँदै प्रहरीले डुबिरहेको घाइते अवस्थामा उनको उद्धार गरेको थियो ।
प्रहरी चौकी कटहरीबाट गएको टोलीले उद्धार गरेर उपचारका लागि ल्याउँदा ल्याउँदै बाटैमा बालकको मृत्यु भएको डीएसपी दाहालले बताए । उनका अनुसार शवलाई पोस्टमार्टमका लागि विराटनगरको कोसी अस्पतालमा राखेर घटनाको अनुसन्धान सुरु गरिएको छ ।
प्रतिक्रिया दिनुहोस !
