सोलुखुम्बु : पर्यटकीय जिल्ला सोलुखुम्बुमा एक आर्थिक वर्षमा झण्डै २ दर्जन विदेशी पर्यटकको ज्यान गएको छ भने ३ जना बेपत्ता भएका छन् । गत आर्थिक वर्ष २०७९/८० मा सगरमाथा क्षेत्र भ्रमणमा आएका २३ जना विदेशी पर्यटकको ज्यान गएको र ३ जना बेपत्ता भएको जिल्ला प्रहरी कार्यालय सोलुखुम्बुको तथ्यांक छ ।
ज्यान गुमाउनेमा मेक्सिकोका ५ जना, भारतका ४ जना, फ्रान्स र क्यानडाका २/२ जना, कोरिया, यूके, स्लोभाकिया, जापान, अष्ट्रेलिया, अमेरिका, माल्डोवा, मलेसिया, चीन र हंगेरीका १/१ जना रहेका छन् ।
सगरमाथा क्षेत्र भ्रमणमा आएका उनीहरुले विभिन्न समयमा भवितव्यमा परेर ज्यान गुमाएको प्रहरीले जनाएको छ । जसमा ५ जना मेक्सिकन नागरिकहरुले भने हेलिकप्टर दुर्घटनामा ज्यान गुमाएको जिल्ला प्रहरी कार्यालयका सुचना अधिकारी प्रहरी निरीक्षक राम किशोर शाहले जानकारी दिए ।
अष्ट्रेलिया, मलेसिया र सिंगापुरका १/१ जना गरी ३ जना पर्यटक अझै बेपत्ता रहेको शाहले बताए । उनीहरु बेसक्याम्प क्षेत्रमा गत जेठ ५ गतेदेखि बेपत्ता छन् ।
प्रतिक्रिया दिनुहोस !
