देउवालाई ओलीको प्रश्न- क्विन्टलका क्विन्टल सुन तस्करी भएको सुन्नुभएको छ कि छैन?
साउन १७, २०८० बुधबार १७:४४:५०
काठमाडौं : नेकपा एमाले अध्यक्ष केपी शर्मा ओलीले सुन तस्करी प्रकरणमा नेपाली कांग्रेसले नबोलेको भन्दै आलोचना गरेका छन्।
उनले कांग्रेस सभापति शेरबहादुर देउवालाई सुन तस्करी प्रकरणबारे पार्टीको धारणा राख्न सुझावसमेत दिए।
'सुन तस्करी प्रकरणमा कांग्रेस पार्टी किन चुँइक्क गर्न सक्दैन? किन आफ्नो धारणा राख्न सक्दैन? देउवाजीलाई भन्न चाहन्छु- क्विन्टलका क्वीन्टल सुन तस्करी भएको सुन्नुभएको छ कि छैन? के छ तपाइँको विचार?,' ओलीले प्रश्न गरे।
उनले सरकारले गरेको छानविन निष्पक्ष नहुने भन्दै स्वतन्त्र छानविनको माग गरेको बताए। 'तपाईँहरूको सरकार परिपक्व भएन। भन्सार चोरी पैठारी हुँदा रोक्न/छेक्न सक्नुभएन। अनि के छानविन गर्नुहुन्छ,' उनले भने।
उनले सबैले देख्ने सुनका पोका सरकारले नदेखेको भन्दै आलोचना गरे।
प्रतिक्रिया दिनुहोस !
