सिन्धुली : सिन्धुलीमा एक पुरुष मृत फेला परेका छन। कमलामाई नगरपालिका- ४ पोखरेल गाउँका अन्दाजी ५५ वर्षीय फौदबहादुर सार्की मृत फेला परेका हुन्।
उनको शव सोही वडाको देउराली धारा भन्ञ्याङ्गस्थित खेतमा भेटिएको जिल्ला प्रहरी कार्यालय सिन्धुलीका प्रहरी नायव उपरीक्षक चिरन्जीवी दाहालले जानकारी दिए। उनलाई खेतमा मृत अवस्थामा फेला पारिएको स्थानीयले खबर गरेपछि तत्काल पुगेको प्रहरी टोलीले घटनास्थल हेर्दा बाटो हिड्ने क्रममा चिप्लेर लड्दा ढुङ्गामा ठोक्किएर मृत्यु भएको हुन सक्ने जस्तो देखिएको दाहालले बताए।
जिल्ला प्रहरी कार्यालयका प्रवक्तासमेत रहेका दाहालले मृतकको टाउकोमा चोट रहेको पाइएको बताए। मृतकको शव पोष्ट मार्टमका लागि सिन्धुली अस्पतालमा ल्याइएको छ। घटनाका विषयमा प्रहरीले अनुसन्धान थालेको जनाएको छ।
प्रतिक्रिया दिनुहोस !
