महोत्तरी : महोत्तरी प्रहरीले १ लाख ४० हजार रुपैयाँ बराबरको मदिराजन्य पदार्थ सोफी बरामद गरेको छ। बुधबार दिउँसो बीआर३०एजी ४०२१ नम्बरको भारतीय मोटरसाइकलमा लोड गरी भारततर्फ तस्करी गरिरहेको अवस्थामा सो मदिराजन्य पदार्थ नियन्त्रणमा लिएको हो।
प्रहरीको गस्ती टोलीलाई देख्नासाथ तस्करहरू मोटरसाइकल र सोफी छाडेर फरार भएको महोत्तरीका प्रहरी प्रवक्ता डीएसपी दिलिपकुमार गिरीले बताए। प्रहरी नियन्त्रणमा रहेको सो पदार्थउपर आवश्य कारबाहीको लागि जलेश्वर भन्सार कार्यालय मलिवारा पठाएको डीएसपी गिरीले जानकारी दिए।
प्रतिक्रिया दिनुहोस !
