गुलरिया : प्रहरीले भन्सार छलेर ल्याएको सामानसहित दुई जनालाई पक्राउ गरेको छ।
गुलरिया नगरपालिका-११ स्थित कट्टी लालपुरबाट बर्दियाको गुलरिया नगरपालिका-११ का धनेश रैदास र कुरवारी रैदास पक्राउ परेका हुन्।
एक लाख ९ हजार २०० रुपैयाँ बराबरको कपडालगायत सूर्तिजन्य सामानसहित नियन्त्रणमा लिएको जिल्ला प्रहरी कार्यालय बर्दियाका प्रहरी नायव उपरीक्षक हिक्मत बहादुर बोहराले बताए।
प्रहरी नियन्त्रणमा रहेका दुवैजना र सामान आवश्यक कारबाहीका लागि राजापुर भन्सार कार्यालय गुलरियामा पठाएको डीएसपी बोहराले जानकारी दिएका छन्।
प्रतिक्रिया दिनुहोस !
