हेटौंडा : मकवानपुरको माण्डु हाइड्रोपावरमा एकजनाको शव फेला परेको छ । भीमफेदी गाउँपालिका ८ स्थित सो हाइड्रोपावरमा अन्दाजी ३५ वर्षीय पुरुषको शव फेला परेको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए ।
फेला परेको शवको सनाखत हुन बाँकी रहेको प्रहरीले जनाएको छ । उक्त शव बागमती खोलाले बगाएर ल्याएको अवस्थामा माण्डु हाइड्रोपावरको पानी जम्मा गरी फोहोर छुट्ट्याउने ठाउँमा फेला परेको हो ।
हाल घटनास्थलमा प्रहरी चौकी सिस्नेरी र इलाका प्रहरी कार्यालय भीमफेदीको टोली पुगेर शवको मुचुल्का उठाएको छ । शव हेटौंडातर्फ ल्याउने तयारी भइरहेको प्रहरी नायव उपरीक्षक कार्कीले बताए ।
सोही हाइड्रोपावरमा केही दिनअघि अन्दाजी १६ वर्षीया किशोरीको शव फेला परेको थियो । उक्त शवको समेत हालसम्म सनाखत हुन सकेको छैन ।
प्रतिक्रिया दिनुहोस !
