दोलखा : जिल्लाको बिगु गाउँपालिका-७ मा निउरो टिप्न गएका बाबु छोरा पहिरोमा परेर बेपत्ता भएका छन्।
३५ वर्षीय निम्दोर्जे शेर्पा र उनका ९ वर्षीय छोरा पासाङ बेपत्ता भएका हुन्। बिगु नजिकैको टोर थामी भन्ने जंगलमा आज दिउँसो माथिबाट खसेको पहिरोले पुरेको हो।
बेपत्ता भएकाहरूको प्रहरी र स्थानीयले खोजी कार्य जारी राखेका बिगु गाउँपालिकाका अध्यक्ष सञ्जिव ओलीले जानकारी दिए। उनीहरूसँग गएका अर्का २३ वर्षीय दिलबहादुर थामी भने भागेर बाँच्न सफल भएका स्थानीयले बताएका छन्।
प्रतिक्रिया दिनुहोस !
