कोसी प्रदेशसभाको बैठक सुरू, मुख्यमन्त्रीले राखे विश्वासको मतको प्रस्ताव
भदौ ४, २०८० सोमबार १५:५०:३२
विराटनगर : मुख्यमन्त्री उद्धव थापाले विश्वासको मत लिने प्रयोजनका लागि आह्वान गएिको कोसी प्रदेशसभाको बैठक सुरू भएको छ । अध्यक्ष मण्डलमा रहेका कांग्रेसका प्रदेशसभा सदस्य इस्राइल मन्सुरीले प्रदेशसभा बैठकको अध्यक्षता गरेका छन् ।
आजको बैठकबाट मुख्यमन्त्री थापाले विश्वासको मत लिने कार्यसूची छ । २०७४ (पहिलो संशोधन समेत) को नियम १२८ (४) बमोजिम थापाले सभामा विश्वासको मतका लागि प्रदेशसभामा निर्णायार्थ प्रस्ताव पेस गरेका छन् । मुख्यमन्त्रीले विश्वसको मत मागेको बैठकमा एमाले र राप्रपाका ज्येष्ठ सदस्य अनुपस्थित रहे । प्रतिपक्षका ४६ मध्ये सभामा ३० जना प्रदेशसभा उपस्थित छन् ।
मुख्यमन्त्री थापाले आइतबार विश्वासको मत लिन चाहेका थिए । उपसभामुख सिर्जना दनुवारले सोमबार १ बजे समय तोकिदिएकी थिइन् । तर,प्रदेशसभाको बैठक बस्ने दिन बिहान अध्यक्ष मण्डलका सदस्य इस्राइल मन्सुरीलाई जिम्मेवारी तोकेर दनुवार काठमाडौं हिँडेकी थिइन् ।
मुख्यमन्त्रीले विश्वासको मत मागेपछि प्रदेशसभामा अहिले प्रदेशसभा सदस्यहरूले आ-आफ्ना धारणा राखिरहेका छन् । जसपा संसदीय दलको नेता निर्मला लिम्बूले थापालाई विश्वासको मत दिइने बताइन् । अहिले एकीकृत समाजवादी संसदीय दलका नेता राजेन्द्र राईले धारणा राखिरहेका छन् ।
उनले मुख्यमन्त्री थापालाई आफ्नो दलले विश्वासको मत दिने बताए ।
प्रतिक्रिया दिनुहोस !
