डोल्पा : डोल्पाको त्रिपुरासुन्दरी नगरपालिका- १ मा बस्ने एक १३ वर्षीया बालिका बलात्कृत भएकी छन्। बालिका बलात्कार घटनामा संलग्न रहेको आरोपमा रुकुम (पश्चिम) आठबीसकोट नगरपालिका ६ मन्काबगरका २१ वर्षीया युवा चिरञ्जीवी बोहोरालाई प्रहरीले पक्राउ गरेको छ ।
बलात्कार आरोपित बोहोरालाई बिहीबार साँझ पक्राउ गरी जिल्ला प्रहरी कार्यालय ल्याइएको हो । घटनाका विषयमा अनुसन्धान भइरहेको प्रहरी नायव उपरीक्षक शिव बुढाथोकीले जानकारी दिए ।
बोहोराको कोठामा बलात्कार प्रमाण पुष्टि गर्ने वस्तु भेटिएको र लिखित जाहेरी समेत परेपछि पक्राउ गरिएको बुढाथोकीले बताए । पेशाले ड्राइभर रहेका बोहोरालाई जबरजस्ती करणी कसुर बमोजिम मुद्दा चलाउन म्याद थप गरेर अनुसन्धान गर्ने तयारी गरिएको प्रहरीले जनाएको छ ।
प्रतिक्रिया दिनुहोस !
५
