महोत्तरी : महोत्तरीमा लागूऔषधसहित दुई जना पक्राउ परेका छन्। महोत्तरीको मनराशिस्वा नगरपालिका-२ स्थित इटहर्वा भोल्ही ग्रामीण सडक खण्डबाट धनुषा मिथिला नगरपालिका-९ का कृष्ण महतो र सोही मोटरसाइकल पछाडि रहेका सुभाष कुमार महतोलाई प्रहरीले पक्राउ गरेको हो।
प्रदेश–२–०३–०१४ प २६८१ नम्बरको सुपर स्पलेन्डर मोटरसाइकल चलाई आएको अवस्थामा चेक जाँच गर्दा मोटरसाइकलको सिटमुनिबाट एक्सिइन १०० एमएलको ४३ वटा बोतल बरामद भएको महोत्तरी प्रहरीले जनाएको छ।
प्रहरी नियन्त्रणमा रहेको मोटरसाइकल र पक्राउ परेका व्यक्तिमाथि थप अनुसन्धान भइरहेको महोत्तरीका प्रहरी प्रवक्ता डीएसपी दिलिपकुमार गिरीले जानकारी दिए।
प्रतिक्रिया दिनुहोस !
