कपिलवस्तु : दक्षिण एसियाली खेलमा रजत पदक विजेता खेलाडी सम्मानित भएका छन्।
काठमाडौंमा हालै सम्पन्न दक्षिण एसियाली क्षेत्रीय जुनियर च्याम्पियन अन्डर १७ ब्याडमिन्टन प्रतियोगितामा पुरुष डबल्सतर्फ रजत पदक विजेता कपिलवस्तु नगरपालिका-१ का खेलाडी अभय महरालाई आज तौलिहवामा सम्मान गरिएको हो।
जिल्ला ब्याडमिन्टन संघको आयोजनामा तौलिहवास्थित जिल्ला खेलकुद विकास समिति परिसरमा खेलाडी महरालाई प्रदेश सभा सदस्य वरिष्ठ अधिवक्ता सुधाकर पाण्डेय, बुद्धभूमि नगरपालिकाका नगर प्रमुख केशव श्रेष्ठ, कपिलवस्तु नगरपालिकाका नगर प्रमुख सुदीप पौडेल लगायतले प्रशंसा पत्र तथा दोसल्ला ओढाएर सम्मान गरेका छन्।
गत मंगलबार सम्पन्न दक्षिण एसियाली क्षेत्रीय जुनियर च्याम्पियन अन्डर १७ प्रतियोगितामा नेपालका तर्फबाट खेलाडी अभय महरा र कविर केसीको जोडीले रजत पदक जितेको थियो।
प्रतिक्रिया दिनुहोस !
