कर्तब्यज्यान मुद्धामा ३० वर्ष सजाय काटिरहेका अजित बुढाक्षेत्री बर्दिया कारागारबाट फरार भएको बर्दियाका प्रमुख जिल्ला अधिकारी नारायणप्रसाद रिसालले जानकारी दिए। आइतबार बिहान ३ बजेर २५ मिनेटमा उनी बर्दिया कारागारबाट भागेका हुन्।
गुलरिया : बर्दिया कारागार गुलरियाबाट एकजना कैदी फरार भएका छन्। कर्तब्यज्यान मुद्धामा कैद भुक्तान गरिरहेका कैदी कारागार फरालेर फरार भएका हुन्।
कर्तब्यज्यान मुद्धामा ३० वर्ष सजाय काटिरहेका अजित बुढाक्षेत्री बर्दिया कारागारबाट फरार भएको बर्दियाका प्रमुख जिल्ला अधिकारी नारायणप्रसाद रिसालले जानकारी दिए। आइतबार बिहान ३ बजेर २५ मिनेटमा उनी बर्दिया कारागारबाट भागेका हुन्। कारागार भित्रको भवनको छतमा चढेका बुढाक्षेत्री अग्लो काँडेतार लगाएको पर्खालमा चढी बाहिर हामफालेर फरार भएको प्रजिअ रिसालको भनाइ छ।
१ वर्ष कैद भुक्तान गरिसकेका फरार बुढाक्षेत्रीको खोज तलास र अनुसन्धान जारी छ। बर्दिया प्रहरी प्रमुखको कमाण्डमा खोज तलास भैरहेकोले उनी किन फरार भए भन्नेबारे अनुसन्धानबाट खुल्ने जानकारी दिए। बर्दिया पुरुष कारागार जीर्ण तथा सानो हुँदा खचाखच कैदीबन्दी रहेकाले जोखिमयुक्त रहेको पाइन्छ।
प्रतिक्रिया दिनुहोस !
