बेनी : म्याग्दी खोलामा ट्र्याक्टरसहित खसेर एक जनाको ज्यान गएको छ।
मालिका गाउँपालिका-६ गोज्जामा बुधबार साँझ ट्याक्टर दुर्घटना हुँदा धवलागिरी गाउँपालिका-५ का अन्दाजी २५/२६ वर्षका सुसान विश्वकर्माको मृत्यु भएको म्याग्दीका प्रहरी नायव उपरीक्षक मदन कुँवरले जानकारी दिए।
‘बिमबाट दरवाङतर्फ जाँदै गरेको ग१त ७२०७ नम्बरको खाली ट्र्याक्टर सडकबाट करिब २० मिटर तल म्याग्दी नदीमा खसेको थियो। ट्र्याक्टरसँगै म्याग्दी नदीमा खसेर डुबेका विश्वकर्माको शव सशस्त्र प्रहरीको आश्रित गुल्म गलेश्वर र नेपाल प्रहरीको टोलीले खोलाबाट निकालिएको हो,' उनले भने।
सशस्त्रका सहायक प्रहरी निरीक्षक उमेश ढकाल नेतृत्वमा १० जना तालिम प्राप्त प्रहरीको टोली घटनास्थल पुगेको थियो। मृतकको शव परीक्षणका लागि बेनी अस्पताल ल्याएको र दुर्घटनाको अनुसन्धान जारी रहेको घटना स्थल पुगेका प्रहरी नायव उपरीक्षक कुँवरले बताए।
प्रतिक्रिया दिनुहोस !
