वीरगन्ज : मधेस प्रदेशका शिक्षा तथा समाज कल्याणमन्त्री महेशप्रसाद यादवले मधेस प्रदेशको शिक्षा प्रणाली जर्जर अवस्थामा पुगेको बताएका छन्।
शुक्रबार वीरगन्जस्थित मधेस विश्वविद्यालयको प्रथम वार्षिकोत्सव समारोहलाई सम्बोधन गर्दै मन्त्री यादवले मधेस प्रदेशको शिक्षा प्रणाली अहिले जर्जर अवस्थामा रहेको बताएका हुन्।
मधेस विश्वविद्यालयको सहकुलपतिसमेत रहेका यादवले मधेसको शिक्षा प्रणालीलाई सुधार गर्दै माथि उकास्न मधेस विश्वविद्यालयको महत्वपूर्ण भूमिका हुने विश्वास लिएको बताए।
उनले शिक्षा नै समाज निर्माणको मेरुदण्ड भएकाले शिक्षाको विकासलाई मधेस सरकारले मुख्य प्राथमिकता दिएको पनि जनाए। मधेस प्रदेश सरकारसँग सीमित श्रोत साधन भए पनि सीमित श्रोत साधनकै भरपुर उपयोग गरेर छोटो अवधिमै मधेस विश्वविद्यालय यो अवस्थामा आइपुग्नु गौरवको विषय भएको बताए।
मधेस विश्वविद्यालयलाई संघीय सरकारको र वैदेशिक दाताको सहयोगको आवश्यकता रहेको उनको भनाइ थियो।
प्रतिक्रिया दिनुहोस !
