वीरेन्द्रनगर: अख्तियार दुरुपयोग अनुसन्धान आयोग सुर्खेतको टोलीमाथि जाजरकोटमा स्थानीयले आक्रमण गरेका छन् । जाजरकोटको भेरी नगरपालिका वडा नं. ५ को निर्माणाधीन वडा कार्यालयको भवन निरीक्षण गर्न पुगेको अख्तियारको टोलीमाथि स्थानीयले आक्रमण गरेका जिल्ला प्रहरी कार्यालय जाजरकोटले जनाएको छ ।
आक्रमणबाट एक जना घाइते भएका छन् । अख्तियारबाट पाँच जनाको टोली निरीक्षणका लागि जाजरकोट गएको र आक्रमण हुँदा चालक मानबहादुर ठाडा मगर घाइते भएका जिल्ला प्रहरी कार्यालय जाजरकोटका प्रमूख डीएसपी सन्तोष रोक्काले बताए ।
उनका अनुसार अख्तियारको टोलीमाथि शुक्रबार आक्रमण हुँदा गाडी चालक मानबहादुरलाई स्थानीयले मुक्का हानी घाइते बनाएका छन् । उनको स्वास्थ सेवा कार्यालय जाजरकोटमा उपचार भइरहेको छ । उनी वीरेन्द्रनगर नगरपालिका–११ का हुन् । उक्त घटनामा संलग्न सोही ठाउँका स्थानीय वीरेन्द्र चन्द, किरण शाही, चक्रबहादुर मल्ललाई प्रहरीले पक्राउ गरेको छ ।
प्रतिक्रिया दिनुहोस !
