अमेरिका र चीनको भ्रमणमा जानुअघि राष्ट्रपतिसँग प्रधानमन्त्रीको भेट

काठमाडौं : प्रधानमन्त्री पुष्पकमल दाहाल ‘प्रचण्ड’ले राष्ट्रपति रामचन्द्र पौडेलसँग भेट गरेका छन् । शनिबार राष्ट्रपति भवन शीतलनिवासमा पुगेर प्रधानमन्त्री प्रचण्डले संयुक्त राष्ट्र संघको महासभामा अमेरिकाको न्यूयोर्कमा जाने र चीन भ्रमणका बारेमा जानकारी गराएको प्रचण्डको सचिवालयले जनाएको छ। 

प्रचण्डले आफूले महासभामा उठाउने विषयको बारेमा पनि जानकारी गराएका छन्। प्रचण्ड शनिबार साँझ ६ बजे संयुक्त राष्ट्रसंघको मुख्यालय न्यूयोर्क प्रस्थान गर्न लागेका हुन्। अमेरिकाबाट असोज ५ गते सीधै चीन जानेछन्।